ڪراچي/اسلام آباد (رپورٽر/م ڊ) بار ڪائونسلن چيف اليڪشن ڪمشنر تي اعتراض واريندي سندس استعيفيٰ جو مطالبو ڪري ڇڏيو آهي. پاڪستان بار ڪائونسل چيف اليڪشن ڪمشنر جي استعيفا جو مطالبو ڪري ڇڏيو .سپريم ڪورٽ بار ايسوسيئيشن پاران به چيف اليڪشن ڪمشنر جي ڪردار تي سخت خدشن جو اظهار ڪيو ويو آهي، اليڪشن ڪميشن جي تڪبندين تي ڳڻتيءَ جو اظهار ڪيو ويو آهي. پاڪستان بار ڪائونسل جو چوڻ آهي ته چيف اليڪشن ڪمشنر جهلم ۾ پنهنجي اباڻي تڪ ۾ قومي اسيمبلي جا 2 تڪ ٺاهي ڇڏيا آهن، جهلم جي 13 لک آباديءَ واري تڪ کي قومي اسيمبلي جون 2 سيٽون ڏنيون ويون آهن، ان جي ابتڙ 13 لک آباديءَ واري حافظ آباد جي تڪ کي قومي اسيمبلي جي رڳو هڪ سيٽ ڏني وئي آهي. پاڪستان بار ڪائونسل جو چوڻ آهي ته اهو تاثر وڌي رهيو آهي ته هاڻوڪي اليڪشن ڪميشن جي موجودگي ۾ شفاف چونڊون ڪرائي نه ٿيون سگهجن، جهلم کانسواءِ گجرانوالا ۽ راولپنڊي ضلعن ۾ به تڪبندين دوران عدم توازن ڏسڻ لاءِ مليو آهي. سپريم ڪورٽ کي اليڪشن ڪميشن جي هر قدم جي منظوري ڏيڻ بدران انهن تضادن جو نوٽيس وٺڻ گهرجي. سپريم ڪورٽ بار پاران به جاري ڪيل پڌرائي ۾ چيو ويو آهي ته تڪبندين بابت شڪايتن جو جائزو وٺڻ کانسواءِ رڳو چونڊن جي ٽائيم لائين تي عمل ڪرڻ استحڪام کي نقصان پهچائي سگهي ٿو. سپريم ڪورٽ بار ايسوسي ايشن جو چوڻ آهي ته چيف اليڪشن ڪمشنر گهر هليو وڃي ڇو ته سندس نگراني ۾ شفاف چونڊون ممڪن ناهن، موجوده چيف اليڪشن ڪمشنر جي نگراني ۾ ٿيندڙ چونڊن جي شفافيت تي سوال اٿاريا پيا وڃن. سپريم ڪورٽ بار چيو آهي ته چونڊون 8 فيبروري تي ٿيڻ گهرجن پر سمورن اسٽيڪ هولڊرز کي برابر جا موقعا ڏنا وڃن، ملڪ جو نقصان ٿيو. سنڌ بار ڪائونسل به تڪ بندين کي بهتر ڪرڻ جو مطالبو ڪيو آهي. سپريم ڪورٽ بار پاران به جاري ڪيل پڌرائي ۾ چيو ويو آهي ته تڪبندين بابت شڪايتن جو جائزو وٺڻ کانسواءِ رڳو چونڊن جي ٽائيم لائين تي عمل ڪرڻ استحڪام کي نقصان پهچائي سگهي ٿو. سنڌ بار پاران به استعيفيٰ جو مطالبو ڪيو ويو آهي.
