ڊالر سستو، اسٽاڪ مارڪيٽ 62 هزارن جي سطح ٽپي وئي

ڪراچي (رپورٽر) انٽر بئنڪ ۾ سومر ڏينهن ڊالر جو اگهه 44 پئسا گهٽجي ويو. اسٽيٽ بئنڪ آف پاڪستان موجب انٽر بئنڪ ۾ ڪاروبار جي  پڄاڻي تي ڊالر جو قدر 284 رپيا 53 پئسا آهي. هوڏانهن اوپن مارڪيٽ ۾ ڊالر 50 پئسا سستو ٿيڻ کانپوءِ 285 رپين 50 پئسن جو آهي. پاڪستان اسٽاڪ ايڪسچينج جو 100 انڊيڪس 62 هزار جي سطح پار ڪري ويو، جيڪا تاريخ جي بلند ترين سطح آهي. اڄ ڪاروباري هفتي جي پهرئين ڏينهن ڪاروبار جي شروعات سان ئي 100 انڊيڪس ۾ زبردست تيزي ڏٺي وئي ۽ انڊيڪس 758 پوائنٽون واڌ سان 62449 تي پهچي ويو. 100 انڊيڪس 801 پوائنٽن جي واڌ سان 62493 تي بند ٿيو. بازار ۾   73 ڪروڙ شيئرز جا سودا 31 ارب رپين ۾ طئي ٿيا، مارڪيٽ ڪيپٽلائيزيشن 120 ارب رپيا وڌي 9005 ارب رپيا آهي.

You might also like
Leave A Reply

Your email address will not be published.