لاهور (عوامي آواز نيوز) پيپلز پارٽي جي چيئرمين بلاول ڀٽو زرداري 12 ڊسمبر کان لاهور ۾ ديرو ڄمائڻ جو فيصلو ڪري ورتو آهي، جنهن دوران اهم سياسي اٿل پٿل جا امڪان آهن، نامياري صحافي گوهر بٽ جو چوڻ آهي ته بلاول ڀٽو رڳو لاهور ۾ قيام نه ڪندو پر ڀر پاسي جا دورا به ڪندو، گجرانوالا، چنيوٽ، لاله موسيٰ، قصور، سيالڪوٽ ۽ ٻين شهرن ۾ به جلسا ڪندو، امڪان ظاهر ڪيا پيا وڃن ان دوران اهم شخصيتون پيپلز پارٽيءَ ۾ شموليت جو اعلان پڻ ڪنديون، بلاول ڀٽي جو لاهور دورو ن ليگ لاءِ چئلينج بڻجي سگهجي ٿو. ڇو ته ن ليگ اڃان تائين عوامي چونڊ مهم شروع نه ڪئي آاهي. ان جي ڀيٽ ۾ بلاول ڀٽو زرداري مسلسل سرگرم آهي، جنهن جو کيس سياسي فائدو ٿي سگهي ٿو.
