اوٻاوڙو (رپورٽ: عبدالحئي ڇڄڻ) اوٻاوڙو ڀرسان ننڍي ڀاءُ پئسن جي لالچ ۾ وڏي ڀاءُ کي قتل ڪري ڇڏيو، لاش دفن ڪرڻ دوران جوابدار کي گرفتار ڪيو ويو، ڳوٺ شمس ڇپري ۾ دل ڏکائيندڙ واقعو پيش آيو، گهر اندر نوجوان دلبر اوڏ جو ڪھاڙيون لڳل لاش مليو، ڳوٺاڻن جي اطلاع تي اوٻاوڙو پوليس واقعي واري هنڌ پھچي مقتول جو لاش پنھنجي تحويل ۾ ورتو، لاش ضروري ڪاروائي بعد وارثن حوالي ڪيو ويو، لاش گھر پھچڻ تي ڪھرام مچي ويو، پوليس جو چوڻ آهي ته ننڍي ڀاءُ رميش ڪمار اوڏ پئسن جي لالچ ۾ اچي پنھنجي ڀاءُ دلبر اوڏ کي ڪھاڙين جا وار ڪري قتل ڪرڻ کانپوءِ گھر جي اڱڻ ۾ گڏ کوٽي دفن ڪري رھيو ھو ته اطلاع پوليس پھچي جوابدار کي گرفتار ڪيو آھي، جوابدر کان وڌيڪ پڇاڳاڇا ڪري رھيا آھيون، وارثن جي فرياد تي ڪيس داخل ڪيو ويندو، آخري اطلاع تائين واقعي جو ڪيس اخل نه ٿي سگھيو.
