سجاول (رپورٽ: منظور احمد ميمڻ ) سجاول ٺٽو روڊ دمدمون اسٽاپ وٽ ويگو گاڏي ۽ پڪ اپ سوزڪي وچ ۾ ٽڪر جي نتيجي ۾ ٻن ٻارڙن سميت 3 ڄڻا فوت ٿي ويا ۽ 20 کان مٿي ماڻهو زخمي ٿي پيا، سجاول ٺٽو روڊ دمدمون اسٽاپ وٽ سوزڪي پڪ اپ جي ٽائر راڊ ٽٽڻ سبب سامهون ايندڙ ويگو ڊاٽسن سان ٽڪرائجي وئي، نتيجي ۾ ڪولهي برادري جا ٻه ٻارڙا نوريو ڪولهي، بچي ڪچري ۽ ڊاٽسن سوار غلام حيدر ملاح فوت ٿي ويا، جڏهن ته 20 کان مٿي زخمي ٿي پيا فوتين ۽ زخمين کي سول اسپتال سجاول ۽ سول اسپتال ٺٽو منتقل ڪيو ويو، حادثي ۾ زخمي ٿيندڙن ۾ اويس، رحمت الله، فياض، ضمير کوکر، ارشد کوکر، رگو، لالچند، ريشمان، ڪرينا، سيتا، ڪيلاش، ليلا، راجو ۽ ٻيا شامل آهن فوتين جا لاش ضروري ڪارروائي بعد وارثن حوالي ڪيا ويا جڏهن ته زخمين کي طبي امداد ڏني وئي جڏهن ته ڪجھه زخمين کي طبي امداد ڏيڻ بعد ڪراچي روانو ڪيو ويو.
