اسلام آباد (م ڊ) فلسطيني ويڙهاڪ تنظيم حماس جي اڳواڻ ابو الوليد خالد مشعل جي يو آءِ ( ف) جي سربراهه مولانا سان ٽيليفونڪ رابطو ڪيو آهي.سماجي رابطن جي ويب سائيٽ ايڪس اڪائونٽ تان جاري ڪيل بيان موجب ابو الوليد خالد مشعل، فضل الرحمان کي اسرائيل سان جنگ جي صورتحال کان آگاهه ڪيو ۽ ”طوفان اقصيٰ ڏهاڙو“ ملهائڻ تي سندس ٿورا مڃيا.ان موقعي تي فضل الرحمان چيو ته فلسطيني مسلمانن جي تڪليف محسوس ڪيون ٿا، فلسطيني ڀائرن کي ڪنهن به صورت ۾ اڪيلو نه ڇڏينداسين. جي يو آءِ سربراهه مطالبو ڪيو ته انساني حقن جون تنظيمون اسرائيل جي وحشياڻي قدمن جو نوٽيس وٺن.
