غزا(م ڊ) حماس جي سربراهه اسماعيل هانيه ان عزم جو اظهار ڪيو آهي ته غزا ۾ شروع ٿيندڙ جنگ اولهندي ڪناري ۽ يروشلم تائين پکڙجي ويندي.عالمي خبرون ڏيندڙ اداري موجب اسرائيل ۾ ڪامياب آپريشن کانپوءِ حماس جي سربراهه چيو ته اڄ عوام پنهنجي سرزمين تان قابضن کي ڪڍڻ لاءِ تيار آهي.هن چيو ته آزاديءَ جي جنگ هاڻي صيهوني وجود جي دل ۾ داخل ٿي چڪي آهي ۽ دشمنن کي ذلت آميز شڪست جو منهن ڏسڻو پيو آهي. اسان جي فتح دشمن جي ڪمزورين کي بي نقاب ڪري ڇڏيو.
