ٺٽو: ٺٽي ۾ نادرا، مڪاني کاتي ۽ روينيو عملي جي سھڪار سان رھائش پذير اختيار ڪندڙ افغانين کي مذڪورہ ادارن جي مدد سان آساني سان شناختي ڪارڊ، رھائشي سرٽيفيڪٽ، ڊوميسائيل سرٽيفيڪٽ جاري ٿي رھيا آھن، جيڪي ٺٽي ۾ ريسٽورينٽ، ٽرانسپورٽ، معدنيات سميت معاشي گذرگاھن تي قابض بڻيل آھن.
ٺٽي ضلعي ۾ اڪثر ڌارين جي لوڌ لٿل، پوليس خاموش بڻيل
ٺٽو: ڪراچي ۽ حيدرآباد جي حد واري تاريخي ۽ قديمي ضلعو ٺٽو 8570 ڪلوميٽر ۽ 3310 اسڪوائر مائيل تي پکيڙ رکندڙ ضلعي ۾ اڪثر طور ڌارين جي لوڌ لٿل آھي، ڪراچي ۽ حيدرآباد کان ھڪ ھڪ سئو ڪلوميٽرن تي مشتمل ضلعي جي داخلي رستن تي پوليس جون چوڪيون قائم ٿيل آھن پر پوليس اھلڪارن جي مدد سان افغاني آساني سان ٺٽي ضلعي جي مختلف شھرن ۾ پھچي رھائش اختيار ڪري رھيا آھن.
