ڪراچي(رپورٽر) ڪراچي جي ميئر بئريسٽر مرتضيٰ وهاب صدر ٽائون جي يوسي 13 تي چونڊ لاءِ فارم ڀرائي ڇڏيو، مرتضِي وهاب چيو آهي ته 19 جون تي حلف کنيو، قانوني لحاظ کان مون کي 6 مهينن ۾ چونڊ وڙهڻي آهي، ڪرم الله وقاصي به فارم ڀرايو آهي، آر او آفيس ۾ پ پ قيادت سان گڏ آيل ميئر بئريسٽر مرتضيٰ وهاب ميڊيا سان ڳالهائيندي وڌيڪ چيو ته ڪراچي کي جن 75 سالن کان تباهه ڪيو آهي انهن کان پڇا ڪئي وڃي، مون ٽن مهينن ۾ پيش ايندڙ چئلنجز کي منهن ڏنو آهي، هن چيو ته سازشون ان خلاف ٿينديون آهن جيڪو ڪم ڪندو آهي، هائيڊرنٽ مافيا خلاف ڪم ڪيان پيو، هو وال چاڪنگ ڪن ٿا اسان صاف ڪيون ٿا.
