اسلام آباد (عوامي آواز نيوز) چيف جسٽس قاضي فائز عيسيٰ خلاف عمران خان دور ۾ سپريم ڪورٽ جي 4 ججن ريفرنس داخل ڪرايو هو. نامياري صحافي جاويد چوڌري انڪشاف ڪيو ته جنرل قمر جاويد باجوه هڪ ملاقات ۾ قسم کڻي چيو هو ته جسٽس فائز عيسيٰ خلاف ريفرنس داخل ڪرائڻ ۾ اسان جو ڪو به ڪردار نه هو. ان بعد تحقيق ڪرڻ کانپوءِ ڄاڻ ملي آهي ته ريفرنس 4 ججن جي فرمائش تي داخل ٿيو هو. جن ان وقت جي قانون واري وزير فروغ نسيم کي گهرائي چيو هو ته جسٽس فائز عيسيٰ خلاف ريفرنس داخل ڪيو ٻي صورت ۾اسان پي ٽي آءِ حڪومت جي مدد نه ڪري سگهنداسين. 4 ججن ۾ عمر عطا بنديال، شيخ عظمت سعيد ۽ 2 ٻيا جج شامل هئا.
