ڪراچي (رپورٽر ) ڪراچي جي پاڪستان بازار ٿاڻي جي پوليس مطابق اورنگي ٽائون جي علائقي اڪبر شھيد چوڪ ڀرسان ھٿيارن جي زور تي ڦورو شھرين کان ڦر ڪرڻ جي ڪوشش ڪري رھيا هئا ته اطلاع ملڻ تي واقعي واري هنڌ تي فوري طور تي پوليس پهچي وئي جنهن کانپوءِ پوليس ۽ ڦورن جي وچ ۾ مقابلو شروع ٿي ويو ۽ فائرنگ جي ڏي وٺ دوران پوليس جي جوابي فائرنگ ۾ مبينا 2 ڦورو مارجي ويا ۽ 2 زخمي حالت ۾ پوليس گرفتار ڪري ورتا، پوليس موجب مقابلي دوران ھڪ شھري 40 سالن جو شاھد ولد جعفر علي به گولي لڳڻ جي نتيجي ۾ زخمي ٿي پيو، پوليس جو چوڻ آهي ته مقابلي ۾ مارجي ويل جوابدارن جا لاش ۽ زخمين کي عباسي شھيد اسپتال منتقل ڪيو ويو، پوليس جو چوڻ آهي ته مقابلي ۾ مارجي ويل جوابدارن ۽ زخمين جي سڃاڻپ ناھي ٿي سگهي.
