ڪراچي (رپورٽر) ڪراچي جي علائقي لسٻيلا نعمان مسجد ڀرسان سيوريج لائين ۾ گيس جي نيڪال نه ٿيڻ سبب زوردار ڌماڪو ٿيو، ڄڻا زخمي ٿي پيا، لسٻيلا چوڪ ويجهو گيس لائين ۾ گيس خارج ٿيڻ سبب زوردار ڌماڪو ٿيو، ڌماڪو ايترو ته زوردار هو جو ماڻهو گهرن ۽ دڪانن مان ٻاهر نڪري آيا ۽ ڀاڄ پئجي وئي، ڌماڪي جي نتيجي ۾ 9 ڄڻا زخمي ٿي پيا، جن کي طبي امداد لاءِ سول اسپتال منتقل ڪيو ويو، ڌماڪي سبب زمين دٻجي وئي، هوٽلن، دوڪانن ۽ گاڏين کي به نقصان پهتو ۽ سوزوڪي پک اپ ڪار مٿان چڙهي وئي، ڪي اليڪٽرڪ فوري طور تي موقعي تي پهتي ۽ وڌيڪ جاني نقصان کان بچڻ لاءِ لائٽ بند ڪري ڇڏي، ڊاڪٽرن جو چوڻ آهي ته 3 ڄڻن جي حالت نازڪ آهي جيڪي سڙيل آهن، بم ڊسپوزل اسڪواڊ جو چوڻ آهي ته ڌماڪي ۾ ڪو به ڌماڪيدار مادو نه مليو آهي ڌماڪي سان 20 دوڪانن کي جزوي نقصان پهتو اهي.
