ڪراچي(ويب ڊيسڪ) موسميات کاتي ڪراچي ۾ اڄ به گرم ۽ گهميل موسم رهڻ جي اڳڪٿي ڪئي آهي، جڏهن ته آسمان جزوي طور ڪڪر آلود رهڻ جو امڪان آهي.
موسميات کاتي موجب گذريل 24 ڪلاڪن دوران شهر جو گهٽ ۾ گهٽ گرمي پد 29.5 ڊگري سينٽي گريڊ رڪارڊ ڪيو ويو، جڏهن ته اڄ وڌ ۾ وڌ گرمي پد 36 ڊگري سينٽي گريڊ تائين پهچي سگهي ٿو.
موسميات کاتي موجب صبح جي وقت هوا ۾ نمي جو تناسب 66 سيڪڙو رڪارڊ ڪيو ويو. شهر ۾ ڏکڻ اولهه طرفان 23 ڪلوميٽر في ڪلاڪ جي رفتار سان هوائون هلي رهيون آهن، جڏهن ته ڏينهن دوران ڪنهن ڪنهن مهل تيز هوائون به هلڻ جو امڪان آهي.
