گلگت(ع آ نيوز) گلگت بلتستان اسيمبلي جي چونڊن ۾ پيپلز پارٽي اڪثريتي پارٽي طور سامهون آئي آهي. گلگت بلتستان اسيمبلي جي پولنگ کان پوءِ غير تصديق ٿيل ۽ غير سرڪاري نتيجا اچڻ جو سلسلو جاري آهي، جنهن ۾ پاڪستان پيپلز پارٽي هاڻي تائين سڀ کان وڌيڪ سيٽون کٽيون آهن. هاڻي تائين 24 سيٽن مان 19 جي مڪمل غير تصديق ٿيل ۽ غير سرڪاري نتيجن موجب پاڪستان پيپلز پارٽي 9 سيٽون، آزاد اميدوار 6، مسلم ليگ (ن) 3 ۽ مجلس وحدت مسلمين هڪ سيٽ تي ڪاميابي حاصل ڪئي آهي. گلگت بلتستان اسيمبلي جي GBA 1، 4، 5، 7، 9، 10، 11، 12، 19 ۾ پيپلز پارٽي ڪاميابي حاصل ڪئي، جڏهن ته ن ليگ 20، 22، ۽ 18 ۾ ڪاميابي حاصل ڪئي، ۽ مجلس وحدت GBA 8 ۾ ڪاميابي حاصل ڪئي، ۽ آزاد اميدوار GBA 3، 23، 24، 21، 6، ۽ 16 ۾ ڪاميابي حاصل ڪئي. GBA 1 گلگت-1 جي سڀني 80 پولنگ اسٽيشنن جي غير تصديق ٿيل غير سرڪاري نتيجن موجب، پاڪستان پيپلز پارٽي جي امجد حسين 10,594 ووٽ حاصل ڪري ڪاميابي حاصل ڪئي، جڏهن ته پاڪستان مسلم ليگ-N جي محمد شفيق الدين 6,312 ووٽ حاصل ڪري ٻئي نمبر تي رهيا.
