تھران (عوامي آواز نيوز) ايران جي پارليامينٽ جي اسپيڪر محمد باقر قاليباف چيو آهي ته تھران مذاڪرات دوران رعايتون ميزائلن ذريعي حاصل ڪيون آهن، ڳالهه ٻولهه ذريعي نه.سوشل ميڊيا پليٽ فارم اڪس (Twitter) تي جاري ڪيل پنهنجي هڪ پيغام ۾ ايراني اسپيڪر چيو ته ”اسان کي ضمانتن ۽ لفظن تي ڪو ڀروسو ناهي پر عملن تي ويساهه آهي. ٻي ڌر جي ڪنهن به ڪارروائي کان اڳ اسان جي طرفان به ڪا ڪارروائي نه ڪئي ويندي.“هن وڌيڪ چيو ته ”هن معاهدي ۾ فاتح اهو ئي ٿيندو، جيڪو ان جي ٻئي ئي ڏينهن کان جنگ لاءِ تيار هوندو.“
