اسلام آباد(ع آ نيوز) گورنر اسٽيٽ بينڪ جميل احمد چيو آهي ته پاڪستان جي پرڏيهي مٽاسٽا جي ذخيرن ۾ هر هفتي واڌ ٿي رهي آهي ۽ پاڪستان جو پرڏيهي قرض 100 ارب ڊالر تي برقرار آهي. قومي اسيمبلي جي اسٽينڊنگ ڪميٽي کي ملڪ جي معاشي صورتحال تي بريفنگ ڏيندي اسٽيٽ بينڪ چيو ته گذريل مهيني 5 ارب ڊالر جي ٻاهرين ادائيگي جي باوجود پرڏيهي مٽاسٽا جا ذخيرا سٺا آهن. هن مهيني پاڪستان جي پرڏيهي مٽاسٽا جي ذخيرن ۾ 17 ارب ڊالر کان وڌيڪ اضافو ٿيندو. پاڪستان جي پرڏيهي مٽاسٽا جي ذخيرن ۾ هر هفتي واڌ ٿي رهي آهي. آءِ ايم ايف کان پاڪستان ۾ فنڊ ايندا، جنهن کان پوءِ پرڏيهي مٽاسٽا جا ذخيرا 3 مهينن جي درآمد جي برابر هوندا. جميل احمد چيو ته گذريل 3 سالن ۾ مارڪيٽ مان 27 ارب ڊالر خريد ڪيا ويا. اهي ڊالر پرڏيهي مٽاسٽا جي ذخيرن کي مستحڪم ڪرڻ لاءِ خريد ڪيا ويا. درآمدات ۾ واڌ جي باوجود، ڪرنٽ اڪائونٽ 9 مهينن ۾ سرپلس ۾ رهيو. اسٽيٽ بينڪ جي گورنر چيو ته پاڪستان جو پرڏيهي قرض 100 ارب ڊالر تي آهي، ۽ جون 2020 ۾، پاڪستان جو پرڏيهي قرض به 100 ارب ڊالر هو.اسٽينڊنگ ڪميٽي کي ٻڌايو ويو ته آءِ ايم ايف ايگزيڪيوٽو بورڊ جو اجلاس اڄ ٿيندو، جنهن ۾ پاڪستان لاءِ ايندڙ معاشي جائزي جي منظوري جو امڪان آهي.
