واشنگٽن(ع آ نيوز) آمريڪي صدر ڊونلڊ ٽرمپ چيو آهي ته ايران ايٽمي پروگرام ختم ڪرڻ سميت ڪيترن ئي معاملن تي تيار آهي، هفتي اندر ٺاهه جو امڪان آهي،ايران ڪيترائي ڪم ڪرڻ لاءِ تيار آهي، جنهن ۾ سندس ايٽمي پروگرام جاري نه رکڻ به شامل آهي. اوول آفيس ۾ ميڊيا سان ڳالهائيندي، صدر ٽرمپ چيو ته ايران هاڻي سختي سان هڪ ڊيل چاهي ٿو، اهو تمام آسان آهي، جيستائين ايران وٽ ايٽمي هٿيار نه هجن. جيڪڏهن ايران معاهدي جي تعميل نه ڪندو ته سخت بمباري ٿيندي. هن چيو ته ايران جا ميزائل ۽ ريڊار تباهه ٿي ويا آهن، ايران جا اڳواڻ مارجي ويا آهن، هي حڪومت جي تبديلي آهي، اسان ايران کان جيڪو چاهيون ٿا اهو حاصل ڪنداسين، گذريل 24 ڪلاڪن ۾ ايران سان هاڪاري ڳالهيون ٿيون آهن.آمريڪي صدر وڌيڪ چيو ته ايران سان هاڻي ڊيل ممڪن آهي، ايران سان اڳ ۾ سٺيون ڳالهيون ٿيون هيون، پر اهي بعد ۾ وساري ويا.
