اسلام آباد(عوامي آواز نيوز) رپورٽ مطابق، هي 1979ع ۾ ايراني اسلامي انقلاب کان پوءِ پهريون ڀيرو آهي جو آمريڪا ۽ ايران اعليٰ سطح تي سڌي ڳالهين ۾ شامل ٿيا آهن۔ذريعن جو چوڻ آهي ته ڳالهين دوران ٻنهي ڌرين جي تجويزن ۾ اهڙا نقطا سامهون آيا آهن، جن مان اميد ظاهر ڪئي پئي وڃي ته اڳڀرائي ممڪن آهي۔رپورٽ ۾ چيو ويو آهي ته هن تڪرار سبب عالمي تيل جون قيمتون وڌيون آهن، وچ اوڀر ۾ توانائي جي بنيادي ڍانچي کي وڏو نقصان پهتو آهي ۽ هزارين ماڻهو مارجي ويا آهن۔جيڪڏهن جنگ بندي ۾ واڌ ۽ حتمي امن معاهدو ٿي وڃي ٿو ته ڪيترائي ماڻهو سڪون جو ساهه کڻندا۔ايراني عوام لاءِ به اميد ظاهر ڪئي وئي آهي ته سالن کان جاري پابندين کان پوءِ ملڪ جي معيشت کي ڪجهه رليف ملي سگهي ٿو۔ ڪجهه ايراني شهرين سان ٿيل ڳالهين موجب، ملڪ اندر ڪجهه ماڻهو مستقبل جي سياسي صورتحال کان پريشان آهن ۽ خدشو ظاهر ڪن ٿا ته نئين قيادت اڳ کان وڌيڪ سخت پاليسيون اختيار ڪري سگهي ٿي۔
