بيجنگ/ماسڪو(عوامي آواز نيوز)وچ اوڀر ۾ هڪ وڏي جنگ، جيڪا آمريڪا جا هٿيار، پئسا ۽ ڌيان ڇڪائي، روس جي مفاد ۾ فائديمند ٿي سگهي ٿي،عالمي تيل ۽ گئس جون قيمتون وڌي ويون آهن.ان صورتحال مان روس کي فائدو مليو آهي، ڇو ته سندس پابندين سان متاثر ٿيل توانائي وارو شعبو هاڻي سودا بازي جو نئون اوزار طور استعمال ٿي سگهي ٿو،ڪريملن جي حامي ٽي وي ميزبان ولاديمير سولووف 2 مارچ تي پنهنجي پروگرام ۾ چيو ته اسان جي بجيٽ لاءِ ايران تي حملو تمام فائدي مند آهي،روسي تيل نار مان غائب ٿيندڙ تيل جو خال پورو ڪرڻ لاءِ تيار آهي۔آمريڪا جي رياست ٽيڪساس ۾ قائم آئل اينڊ گيس ڪنسلٽنسي جي شريڪ باني رونلڊ سمٿ چيو ته آبنائي هرمز جي بندش روسي تيل وڪڻندڙن ۽ ڀارت ۽ چين جي خريدارن جي وچ ۾ ڳالهين جي موقف کي عملي طور تي بدلائي ڇڏيو آهي،ٻئي پاسي وچ اوڀر ۾ وڌيڪ ڦاسڻ سبب ، واشنگٽن جو ڌيان يوڪرائن کان هٽڻ لڳو آهي،ماسڪو ۾ هن بحران کي روس جي پنهنجي جنگي مهم تي دٻاءَ گهٽائڻ جو هڪ موقعو طور ڏٺو پيو وڃي،ڪريملن جي ترجمان چيو ته اسان کي يقيني بڻائڻ گهرجي ته جتي ممڪن هجي، اسان موجوده صورتحال مان فائدو کڻي سگهون، ڀلي اهو اسان لاءِ ڪيترو به خراب ڇو نه هجي، ٻئي پاسي چين اڃا تائين وچ اوڀر جي جنگ جا سڌا جھٽڪا محسوس نه ڪيا آهن پر ان جا اثر ضرور محسوس ڪري رهيو آهي۔مختصر مدت ۾، چين وٽ ڪيترن ئي مهينن لاءِ تيل جا ذخيرا موجود آهن، ۽ انهن کان پوءِ اهو مدد لاءِ پنهنجي پاڙيسري روس سان رابطو ڪري سگهي ٿو،پروفيسر اسٽيو سانگ چيو ته چين جو موقف اهو ٿيندو ته ڊونلڊ ٽرمپ هڪ ڀيرو ٻيهر ثابت ڪري ڇڏيو آهي ته مغرب جي منافقت ۽ لبرل عالمي نظام جون دعوائون ڪيترا خالي ۽ نام نهاد آهن،ڪجهه مهينن اندر ڪجهه ملڪن کي خوراڪ جي کوٽ کي منهن ڏيڻو پئجي سگهي ٿو۽ اهو گهڻو ڪري ڏکڻ ايشيائي ملڪن ۾ ٿيندو. اسان مغربي اتحاد ۾ ڏار پڻ ڏسي رهيا آهيون، جتي برطانيا ۽ اسپين جهڙن ملڪن کي خاص طور تي حملن لاءِ نشانو بڻايو پيو وڃي،بيجنگ لاءِ شايد اهو موقعو به ظاهر ٿئي ته اهو ٻين ملڪن سان گڏ ڳالهين ۾ ٽياڪڙي جو ڪردار ادا ڪري سگهي.فلپ شيٽلر جونز جي مطابق، جيڪڏهن هي جنگ آمريڪا ۾ غير مقبول ثابت ٿئي ٿي، ته ان سان آمريڪي پرڏيهي ۽ سلامتي پاليسي ۾ وڌيڪ احتياط يا محدود مداخلت جو رجحان وڌي سگهي ٿو۔۽ جيڪڏهن مستقبل ۾ ڪا آمريڪي حڪومت واقعي اهڙو رستو اختيار ڪري، ته چين کي پنهنجي علائقي ۽ وسيع دنيا ۾ مفادن کي اڳتي وڌائڻ لاءِ وڌيڪ آزادي ملي سگهي ٿي۔چين ۾ ڪجهه حلقا هن بحران کي هڪ موقعو طور ڏسي رهيا آهن ته واشنگٽن کي جنگ پسند طاقت طور پيش ڪيو وڃي،
