اسلام آباد(عوامي آواز نيوز)اسلام آباد جي ترلائي امام بارگاهه تي ٿيندڙ خودکش ڌماڪي ۾ محمد عون عباس، هڪ 21 سالن جو نوجوان، پهريون شخص هو جنهن دهشتگرد کي روڪڻ جي ڪوشش ڪئي ۽ پنهنجي جان انسانيت لاءِ قربان ڪئي،عون عباس نماز پڙهي رهيو هو جڏهن فائرنگ جو آواز گونجيو۔ خطرناڪ لمحي ۾، هن پنهنجي نماز توڙي ۽ حملي آور کي هال ۾ داخلا ٿيڻ کان روڪڻ جي ڪوشش ڪئي،اکينشاهدن موجب، جڏهن حملي آور هال جي طرف وڌي رهيو هو، عون عباس سڌو ان جو رستو روڪيو۔ان ئي دوران، خودڪش بمبار پاڻ کي ڌماڪي سان اڏائي ڇڏيو۔جيڪڏهن حملي آور صفن ۾ داخل ٿي ويو هجي، جاني نقصان تمام گهڻو ٿي سگهي ها۔ امام بارگاه جي امام راجا بشارت حسين موجب، ڪيترن نمازين تصديق ڪئي ته عون عباس نماز توڙي حملي آور جو رستو روڪيو ۽ پنهنجي جان ڏئي ٻين جي جانون بچايون۔عون عباس ترلائي جو رهائشي هو ۽ پنهنجي ڪزن شعيب سان گڏ رهندو هو، جيڪو ان جو سرپرست پڻ هو۔هن جو والد ڏهاڙي تي ٽيڪسي هلائي ٿو،محلي وارن موجب عون عباس هڪ سادي، خاموش ۽ غير نمايان نوجوان هو۔ تازو ئي، هو روزگار لاءِ ٻاهرين ملڪ وڃڻ جي تياري ۾ هو
