ڪراچي(فهيم صديقي)اهو وڪيل جيڪو انساني حقن جو علمبردار آهي، مزدورن جا مسئلا عدالت ۾ آڻڻ لاءِ حاضر ٿيو۔هي معاملو صرف ڪجهه مزدورن جو نه هو، پر 8 لک کان وڌيڪ مزدورن ۽ انهن جي خاندانن جو مسئلو هو۔وڪيل طارق منصور چيو ته هن جو ڪيس 10 سالن کان عدالت ۾ هلندڙ هو، پر انصاف اڃان تائين حاصل نه ٿيو۔جڏهن هن پنهنجي نمبر تي عدالت ۾ پنهنجو ڪيس پيش ڪرڻ جي ڪوشش ڪئي، ته هن اميد رکي ته شايد عدالت آخرڪار انصاف هن جي هٿن ۾ وجهي، پر کيس خبر نه هئي ته اهو ڏينهن عدالتي تاريخ جو هڪ ڪارو ڏينهن ثابت ٿيندو۔عدالت وڪيل کي 8 لک مزدورن جا حق پيش ڪرڻ کان روڪي ڇڏيو، ڇو ته عدالت موجب هو متاثر ڌر نه هو۔وڪيل جي جڳهه تي ڪنھن مزدور کي پيش ٿيڻ گهرجي ها۔هن جي دليل کي نه ٻڌو ويو، ۽ جڏهن هنپاڪستان پاران گڏيل قومن جي قراردادون پيش ڪيون، ته انهن کي نظرانداز ڪيو ويو۔جڏهن وڪيل ٻڌائڻ چاهيو ته پاڪستان بين الاقوامي محنتي قانونن تي عمل ڪرڻ جو پابند آهي، ته عدالت ڪجهه ٻڌڻ لاءِ تيار نه هئي۔وڪيل کي روسٽرم تان هٽڻ جو حڪم ڏنو ويو، ۽ جڏهن هن ڳالهه جاري رکڻ جي ڪوشش ڪئي، ته پوليس طلب ڪئي وئي۔وڪيل ٻڌايو ته پاڪستان ۾ مزدورن لاءِ قانونن ۾ خاميون موجود آهن۔خاص طور تي سنڌفيڪٽريز ايڪٽ 2014 ۽ سنڌ شاپس اينڊ ڪمرشل قانون ۾ مزدورن جي تعريف ۾ تضاد آهي۔پاڪستان ۾ ڪانٽريڪٽي مزدور کي برابر حق ناهن ڏنا ويا، جڏهن ته دنيا ۾ ڪانٽريڪٽي مزدورن کي برابر فائدا ملن ٿا۔وڪيل ٻڌايو ته هي مزدور ڪنھن به وقت نوڪري وڃائي سگهن ٿا، انهن کي بونس، جاب سيڪيورٽي يا پينشن جون مڪمل سهولتون نه ملن ٿيون،هن چيو ته ڪانٽريڪٽ سسٽم ذريعي سرمائيدار کي لاڳت گهٽائڻ جو موقعو ملي ٿو۔اصل ملازم جي مقابلي ۾ ڪانٽريڪٽ مزدورن کان بچاءُ ۽ گهٽ سهولتون مُهيا ڪرڻ ذريعي ڪمپنين جو خرچ گهٽجي ٿو،هن چيو ته انساني حقن جو علمبردار هجڻ سبب، مزدورن لاءِ جدوجهد جاري رکندو۔پاڪستان ۾ مزدورن جي برابر حقن لاءِ قانونن ۾ ترميم ضروري آهي، جيئن سڀ مزدور برابر فائدا ۽ تحفظ حاصل ڪري سگهن۔
