لاهور(بيورو) جماعت اسلامي پاڪستان جي امير حافظ نعيم الرحمان چيو آهي ته 78 سالن کان ظلم ۽ جبر جي نظام عوام کي رليف ڏيڻ بدران عوام جي امنگن کي ماري ڇڏيو آهي. عدالتون انصاف فراهم نه ٿيون ڪري سگهن ۽ نه ئي ادارا ڪنهن ڪم جا رھيا آھن عوام بنيادي حقن ۽ سهولتن کان محروم آهي، ڪنهن کي به انهن جي ڀلائي جي پرواهه ناهي. 26 هين ۽ 27 هين ترميم ٻيڙي ٻوڙي ڇڏي آهي. جماعت اسلامي عوام کي جاگيردارن،۽ مافيا جي رحم ڪرم تي نٿي ڇڏي سگهي،هن چيو ته جماعت اسلامي جي عوامي اجتماع ۾ شرڪت لاءِ سڄي ملڪ مان قافلا مينار پاڪستان لاهور پهچڻ شروع ٿي ويا آهن. لکين ماڻهن جي رهائش ۽ کاڌي پيتي جا انتظام مڪمل ڪيا ويا آهن. اهڙن خيالن جو اظهار هن جماعت اسلامي جي سيڪريٽري جنرل اميرالعظيم ۽ نائب امير ۽ ناظم اجتماع لياقت بلوچ سان گڏ مينار پاڪستان اجتماعگاهه تي پريس ڪانفرنس کي خطاب ڪندي ڪيو. هن چيو ته ماڻهو هن وقت سخت مايوسي ۽ پريشاني ۾ آهن. انهن کي ڪنهن به پاسي کان اميد جو ڪو ڏيئو نظر نٿو اچي،هن چيو ته پاڪستان نه ڪنهن جنرل جو آهي نه ڪنهن سياستدان جو،اهو اسان سڀني جو آهي،
