اسلام آباد (م ڊ) وڪيلن جي 6 نمائندا تنظيمن، بار ڪائونسلن جڊيشل ڪميشن جي مڪمل حمايت جو اعلان ڪري ڇڏيو، سپريم ڪورٽ بار، پنجاب، خيبر پختونخوا، بلوچستان ۽ سنڌ بار ڪائونلسن جي گڏيل پڌرائي ۾ چيو ويو آهي ته جڊيشل ڪميشن اجلاس خلاف هڙتال جو سڏ رد ڪريون ٿا، هڙتال جي فيصلي جو اختيار رڳو چونڊيل نمائندن کي آهي، ڪجهه سياسي گروهن ڪڌن ارادن تحت هڙتال جي اپيل ڪئي. پڌرائي ۾ چيو ويو ته قانوني برادري ۾ ورڇ پيدا ڪرڻ جي سازش ناڪام ٿي وئي، عدليه جي آزادي تي ڪا سوديبازي نه ٿيندي، 26هين آئيني ترميم آئين جو حصو آهي.
