ڪراچي ( رپورٽر ) سنڌ جي مڪاني ادارن واري وزير سعيد غني چيو آهي ته ڪراچي لاءِ پاڻي جي چئن منصوبن تي ڪم تيزيءَ سان هلي رهيو آهي ۽ ماضي ۾ ان جي دير جا ڪيترائي سبب آهن. گهٽ ۾ گهٽ ايم ڪيو ايم کي هاڻي شهر جي مسئلن تي ڳالهائڻ نه گهرجي ڇاڪاڻ ته هي شهر ۽ ان جا ادارا انهن ئي ماڻهن تباهه ڪيا آهن. عوام کي سستي بجلي تڏهن ئي ميسر ٿي سگهي ٿي جڏهن اسان پنهنجي بجلي جي پيداوار کي وڌايو ۽ ان کي فرنس آئل ۽ ٻين جي بدران متبادل سستي ذريعن مان پيدا ڪرڻ کي يقيني بڻايون. ٿر ۾ هن وقت 3 هزار ميگا واٽ بجلي ڪوئلي مان پيدا ٿي رهي آهي، جڏهن اها 15 کان 20 هزار ميگا واٽ تي شروع ٿئي ٿي ته اها بجلي نه صرف سنڌ صوبي پر سڄي ملڪ جي عوام جي قوت خريد ۾ آڻي سگهي ٿي. ڪراچي ۾ لڳاتار نمائشون ان ڳالهه جو ثبوت آهن ته ملڪي معاشي صورتحال بهتر ٿي رهي آهي. اهڙن خيالن جو اظهار هن جمعي ڏينهن ايڪسپو سينٽر ڪراچي ۾ 3 ڏينهن واري 43هين فرنيچر ۽ ليونگ نمائش جي افتتاح جي موقعي تي ڪيو. ان موقعي تي ميڊيا سان ڳالهائيندي سعيد غني چيو ته اهڙين نمائشن جو انعقاد ان حقيقت کي وڌيڪ مضبوط ڪري ٿو ته هن وقت شهر ۽ صوبي جون حالتون تمام بهتر آهن، ان مان اهو به واضح ٿئي ٿو ته پاڪستان معاشي طور تي مستحڪم ٿي رهيو آهي.سعيد غني چيو ته هن شهر جي تباهي جي ذميوار ايم ڪيو ايم آهي، جڏهن اهي ادارا انهن جي هٿن ۾ هلي رهيا هئا ته اهي ادارا تباهه ٿي ويا. ملازمن جي پينشن جا پئسا به سندس دور ۾ خرچ ڪيا ويا، گهٽ ۾ گهٽ ايم ڪيو ايم جيڪا ان تباهي جي ذميوار آهي، ان کي اهڙيون ڳالهيون نه ڪرڻ گهرجن،
