راولپنڊي (م ڊ) پي ٽي آءِ باني چيئرمين عمران خان، سندس گهر واري بشريٰ بي بي، ڀيڻ عليما خان ۽ خيبرپختونخواهه جي وڏي وزير علي امين گنڊاپور سميت ڪيترن ئي پي ٽي آءِ اڳواڻن خلاف دهشتگردي ايڪٽ تحت راولپنڊي جي ٽيڪسلا ٿاڻي ۾ ڪيس داخل ڪيو ويو آهي، جنهن ۾ دهشتگردي سميت 13 قلم لڳايا ويا آهن، ڪيس ۾ اڳوڻي صدر عارف علوي، شهريار رياض، حماد اظهر، اسد قيصر ۽ مخالف ڌر اڳواڻ عمر ايوب کي به نامزد ڪيو ويو آهي، ايف آءِ آر ۾ چيو ويو ته جوابدارن پرتشدد مظاهرو ڪري شهرين جي زندگين کي خطري ۾ وڌو، رياستي ادارن خلاف سخت نعريبازي ڪئي.
