ڪراچي(رپورٽر) ناڻي واري وفاقي وزير محمد اورنگزيب چتاءُ ڏنو آهي ته جيڪڏهن هلندڙ مالي سال ۾ ٽيڪس نه وڌايو ويو ته پورهيت طبقي ۽ صنعتن تي ٽيڪس جو بار وڌو ويندو، ڪراچي ۾ تقريب کي خطاب ڪندي هن چيو آهي ته کاڌي پيتي جي شين ۽ وياج جي شرحن ۾ گهٽتائي ملڪي معيشت ۾ بهتري جون نشانيون آهن، جڏهن ته سڄي دنيا ۾ مرغي ۽ دال جا اگهه گهٽ ٿيا آهن پر هتي ناهن ٿيا، هن خانگي شعبي کي اپيل ڪندي چيو ته اسپيڊ مني ۽ سهولتن جي نالي تي رشوت نه ڏني وڃي، حڪومت دال ۽ مرغي جي اگهن ۾ واڌ جو نوٽيس ورتو آهي، ملڪ ۾ اناج جي اگهن ۾ واڌ جي شرح ۾ به گهٽتائي آئي آهي، پر وچين ماڻهن جي ڪري دال جي اگهن ۾ 60 سيڪڙو ۽ مرغي جي اگهن ۾ 15 سيڪڙو اضافو ٿيو آهي، حڪومت اقتصادي رابطا ڪميٽي ۾ معاملي جي جاچ ڪئي آهي ته دال ۽ مرغي مهانگي ڇو ٿي وئي آهي؟
