ڪراچي ( رپورٽر ) ڪراچي جي اورنگي ٽائون ۾ هيڊ ڪانسٽيبل جي قتل ۽ پوليس مقابلي ۾ مارجي ويل 3 ڏوهارين مان 2 افغان شهري هئا. اقبال مارڪيٽ ٿاڻي جي پوليس ڪارروائي ڪندي مارجي ويل ڏوهاري نجيب الله ولد فيض الله ۽ فهيم ولد جان محمد جي قبضي مان 2 غير قانوني پستول، بارود، اسپينڊ شيل، 2 موبائيل فون ۽ روڪ رقم هٿ ڪئي وئي، جڏهن ته واردات ۾ استعمال ٿيندڙ رقم هٿ ڪئي وئي. مارجي ويل جوابدارن جي قبضي مان 125 موٽرسائيڪلون پڻ هٿ ڪيون ويون آهن. ايس ايس پي ويسٽ طارق الاهي مستوئي موجب مقابلي دوران هيڊ ڪانسٽيبل عبدالغفار کي قتل ڪندڙ باقي 2 جوابدار به پنهنجي پڄاڻي تي پهچي ويا آهن. مارجي ويل جوابدار جي هڪ ساٿي تاج الدين ولد دينار کي خميس جي صبح هيڊ ڪانسٽيبل عبدالغفار گوليون هڻي شهيد ڪري ڇڏيو. هن چيو ته مارجي ويل 3 جوابدارن مان 2 پرڏيهي افغاني شهري هئا. مارجي ويل جوابدارن جي سڃاڻپ زخمي سوزوڪي جي ڊرائيور اعجاز سان ٿي آهي. مارجي ويل جوابدار نجيب الله ولد فيض الله افغاني رهواسي هو، مٿس سر سيد، اتحاد ٽائون ۽ سعيد آباد ٿاڻن ۾ 5 ڪيس داخل آهن. مارجي ويل 2 ڦورون جو اڳوڻو ڪرمنل رڪارڊ حاصل ڪيو پيو وڃي.
