قبر مان عورت جو لاش ڪڍي بي حرمتي ڪندڙ جوابدار جسماني رمانڊ تي پوليس حوالي

ڪراچي (رپورٽر)جڊيشل مجسٽريٽ اوڀر جي عدالت ۾ قبرستان مان عورت جي ميت ڪڍي بي حرمتي ڪندڙ جوابدار سليم کي 3  ڏينهن جي جسماني رمانڊ تي پوليس حوالي ڪري ڇڏيو آهي. عدالت ۾  ميت جي وارث درخواستگذار پنهنجي موقف ۾ چيو ته ماءُ جي قبر تي ويس ته  ڪافي ماڻهو هڪ جوابدار تي تشدد ڪري رهيا هئا، جڏهن پهتس تي معاملي جي خبر پئي.

1. جشن آزادي تي توتڻيون وڄائڻ تي پابندي، سيڪيورٽي سخت ڪرڻ جي هدايت

ڪراچي (رپورٽر) آءِ جي سنڌ غلام نبي ميمڻ جي صدارت هيٺ صوبي ۾ جشن آزادي جي موقعي تي سڪيورٽي انتظامن بابت اجلاس ۾ جشن آزادي جي موقعي تي هوائي فائرنگ جي روڪٿام ۽ پوليس جي جوابي ڪارروائين جو جائزو ورتو ويو. ان موقعي تي ايڊيشنل آءِ جي ڪراچي،  ڊي آءِ جيز، اسٽيبلشمينٽ/ هيڊ ڪوارٽرز، ايس اينڊ اي ايس ڊي، سي آءِ اي، ايس ايس پي لاڙڪاڻو ۽ سکر پوليس آفيسرن وڊيو لنڪ ذريعي شرڪت ڪئي. اجلاس ۾ کنيل قدمن ۽ حڪمت عملين تي بريفنگ ڏني وئي. آءِ جي سنڌ غلام نبي ميمڻ مزار قائد تي سيڪيورٽي سخت ڪرڻ، پريشر هارن ۽ لائوڊ وڄائندڙن، بنا سائلنسر جي موٽرسائيڪلن جي مالڪن خلاف ڪارروائي جي هدايت ڪئي

1.  لي مارڪيٽ مان بسن جو اڏو ختم ڪرائڻ بابت ٻڌڻي، ماسٽر پلان کاتي کان رپورٽ طلب

ڪراچي (رپورٽر) سنڌ هاءِ ڪورٽ جي جسٽس صلاح الدين پنهور ۽ جسٽس امجد علي سهتي تي ٻڌل ٻه رڪني بئنچ پاران لي مارڪيٽ لياري ۾ بسن جو اڏو ختم ڪرائڻ بابت ڪيس جي ٻڌڻي ڪئي. عدالت ماسٽر پلان کاتي کان رپورٽ طلب  ڪري ورتي آهي گڏوگڏ ڪي ايم سي ۽ بلڊنگ ڪنٽرول اٿارٽي کي نوٽيس به جاري ڪيا ويا آهن، درخواستگذار ٽرانسپوٽر ظفر علي قريشي جو چوڻ آهي ته هي بس اڏو پاڪستان ٺاهڻ کان اڳ 1937ع ۾ به موجود هو،  هي جگهه به ڪمرشل نه آهي، هتان گڊاپ، سجاول ۽ ٺٽي جي علائقي ۾ بس ويندي آهي، غريب عوام سفر ڪندي آهي.

1. قاتل شيخ حسينه تي ڪيس داخل ڪري سزا ڏيو: ڍاڪا ۾ شاگردن جي ريلي

ڍاڪا(م ڊ) بنگلاديش جي ڍاڪا يونيورسٽي جي شاگردن اڳوڻي وزيراعظم ۽ ڀارت فرار ٿيل شيخ حسينه واجد خلاف ڪيس داخل ڪرڻ جو مطالبو ڪيو آهي.بنگلاديشي ميڊيا موجب ڍاڪا يونيورسٽي جي مختلف هالن مان شاگرد هڪ جلوس  جي صورت ۾ راجو جي مجسمي هيٺ گڏ ٿيا ۽ ان دوران نعرا هنيا ته ”اسان انصاف چاهيون ٿا، قاتل شيخ حسينه کي سزا ملڻ گهرجي“.شاگردن اهو پڻ چيو ته ڪيمپس ۾ ڪنهن به قسم جي سياست نه ڪئي ويندي.ڍاڪا يونيورسٽي ڪيمپس ۾ اينٽي ڊسڪريمينيشن اسٽوڊنٽس موومينٽ پاران احتجاجي ريلي ڪڍي وئي، جنهن ۾ شاگردن مطالبو ڪيو ته تعليمي ادارن ۾ سياست تي پابندي لڳائي وڃي ۽ اڳوڻي وزيراعظم شيخ حسينه واجد خلاف ڪيس داخل ڪيو وڃي.