اسلام آباد (معظم فخر) پيپلز پارٽي بجيٽ اجلاس دوران سخت احتجاج کانپوءِ حڪومت کان پنهنجا اهم مطالبا مڃائي ورتا آهن. ٻڌايو پيو وڃي ته پيپلزپارٽي پارٽي جي ميمبرن بجيٽ اجلاس ۾ شرڪت نه ڪئي، صرف ٻه ميمبر ڏيکاءَ خاطر اجلاس ۾ شريڪ ٿيا. اهڙي صورتحال کانپوءِ وفاقي وزير اسحاق ڊار، احسن اقبال ۽ ٻين پ پ چيئرمين بلاول ڀٽو زرداري ۽ سندس ساٿين سان ملاقات ڪري ڳالھيون ڪيون. ان دوران پيپلز پارٽي پنهنجا مطالبا رکيا ته اها وفاقي ڪابينا ۾ ان صورت ۾ شامل ٿيندا، جڏهن کين سندن مرضي جون وزارتون ملنديون. ان لاءِ انهن وزارتن تي ويٺل ماڻهن کي عهدن جي قرباني ڏيڻي پوندي. جڏهن ته پنجاب ۾ به پيپلزپارٽي کي سندن مرضي موجب وزارتون ڏنيون وڃن. ان کانسواءِ بلوچستان ۾ ن ليگ کي ڪابينا ۾ شامل نه ڪيو ويندو. اهڙا مطالبا تسليم ٿيڻ کانپوءِ پيپلز پارٽي حڪومت کي خاطري ڪرائي ته اها بجيٽ سيشن ۾ شرڪت ڪندي ۽ بجيٽ منظور ڪرائڻ لاءِ حڪومت سان سهڪار ڪندي.
