ڪوئيٽا ( م ڊ ) عوامي نيشنل پارٽي جي اڳواڻ ايمل ولي خان چيو آهي ته اسان جي ماڻهن کي انتهاپسندي طرف ڌڪيو پيو وڃي، هن چيو ته پختون عوام کي جهاد جي نالي تي ورغلايو ويو آهي، اسان جي اسڪولن ۽ تعليمي ادارن تي حملا ڪيا پيا وڃن، هن چيو ته دنيا ۾ ڪٿي به ڪو مسئلو ٿئي ٿو آمريڪا پهچي وڃي ٿو، هن چيو ته ملڪ ۾ جي ڪنهن به عدالت ۾ جج پنهنجي مرضي جو فيصلو نٿو ڪري سگهي. هن چيو ته پارليامينٽ ، عدليا ۽ ميڊيا غلام بڻيل آهن، هن چيو ته جنهن پارليامينٽ ۾ فيصل واوڊا جهڙا ماڻهو هجن ، اها پارليامينٽ آزاد نٿو ٿي سگهي. هن چيو ته ملڪ ۾ اربين ڊالر آيا پر ملڪ ۽ عوام جي حالت نه بدلي آهي، سندس چوڻ هو ته ملڪ ۾ هر شيءَ تي ٽيڪس آهي پر چيو وڃي ٿو ته عوام ٽيڪس نٿو ڏي ، ايمل ولي خان جو چوڻ هو ته غريب طبقو 2 ويلا ماني لاءِ پريشان آهي پر اسان جا حڪمران بادشاهن وارن زندگي گذاري رهيا آهن، هن چيو ته سينيٽ ۾ وڃڻ جو مقصد ڪي پي جي عوام جو آواز اٿارڻ آهي.
