ڪراچي(رپورٽر) پيپلز پارٽي جي اڳواڻ ۽ اڳوڻي صوبائي وزير عبدالباري پتافي جي پ پ چيئرمين بلاول ڀٽو زرداري ۽ فريال ٽالپر سان ملاقات ڪئي، ضلعي گھوٽڪي جي ترقياتي منصوبن سميت سياسي صورتحال بابت قيادت کي آگاهي ڏني وئي.
-
ڪي پي ۾ سڪيورٽي فورسز جي ڪارروائي،6 دهشتگرد مارجي ويا
راولپنڊي ( م ڊ ) خيبرپختونخواهه ۾ سيڪيورٽي فورسز جي ٻن مختلف ڪارروائين ۾ 6 دهشتگرد مارجي ويا.آءِ ايس پي آر موجب سيڪيورٽي فورسز ڊيرا اسماعيل خان ۾ ڳجهي اطلاع تي آپريشن ڪيو.آءِ ايس پي آر جو چوڻ آهي ته ان ڪارروائي دوران سڪيورٽي فورسز 5 دهشتگردن کي ماري ڇڏيو.ان کان علاوه اتر وزيرستان ۾ سڪيورٽي فورسز ۽ دهشتگردن وچ ۾ فائرنگ جي ڏي وٺ ٿي جنهن ۾ هڪ ٻيو دهشتگرد انعام الله مارجي ويو.
آءِ ايس پي آر موجب مارجي ويل دهشتگردن وٽان هٿيار ۽ بارودي مواد پڻ هٿ ڪيو ويو آهي.آءِ ايس پي آر جو چوڻ آهي ته مارجي ويل دهشتگرد سڪيورٽي فورسز ۽ معصوم شهرين خلاف دهشتگردي جي ڪيترن ئي ڪاررواين ۾ ملوث هئا. علائقي ۾ موجود ٻين دهشتگردن کي ختم ڪرڻ لاءِ ڪليئرنس آپريشن جاري آهي. آءِ ايس پي آر موجب سڪيورٽي فورسز ملڪ مان دهشتگردي جي لعنت جي خاتمي لاءِ پرعزم آهن .
