لاهور (عوامي آواز نيوز) اڳوڻي چيف جسٽس انور الدين ظهير سپريم ڪروٽ جي رجسٽرار معرفت درخواست ڏني آهي ته هو ماهوار ملندڙ 2 هزار بجلي يونٽ استعمال نٿو ڪري ان ڪري کيس ان عيوض 2 هزار يونٽ بجليءَ جي روڪ رقم ڏني وڃي. نامياري صحافي امداد سومري اردو ويب سائيٽ پاڪستان 24 تي شايع ٿيل خبر جو حوالو ڏيندي چيو ته اڳوڻي چيف جسٽس درخواست ۾ ڄاڻايو آهي ته هو رٽائرڊ جج جي حيثيت ۾ ماهوار 2 هزار يونٽ مفت بجليءَ جوحقدار آهي پر هن سولر سسٽم هڻايو آهي ۽ بجلي يونٽ استعمال نٿو ڪري ان ڪري کيس 2هزاي يونٽ بجليءَ جي جيڪا رقم ٿئي ٿي اها کيس ڏني وڃي، درخواست جي جواب ۾ سينيٽ ڊويزن چيو آهي ته هر رٽائرڊ جج کي 2 هزار يونٽ بجلي مفت ڏني ويندي آهي اها استعمال ڪري يا نه ڪري ان جي مرضي، 2 هزار بجلي يونٽ استعمال نه ڪرڻ جي عيوض روڪ رقم نه ٿي ڏئي سگهجي.
