ڪراچي (رپورٽر) سنڌ جي نگران وڏي وزير جسٽس (ر) مقبول باقر چيو آھي تھ شھري ماحول کي خراب ڪندڙ ماڻھن خلاف ڀرپور ڪارروائي ڪئي وڃي، وزيراعليٰ ھائوس مان جاري پڌرائي ۾ چيوويو آهي ته نگران وڏي وزير جسٽس (ر) مقبول باقر جي ھدايت تي ضلعي اوڀر ڪراچي ۾ افغانين خلاف آپريشن ڪيو ويو، وڏي وزير کي پيش ڪيل رپورٽ ۾ چيو ويو آهي ته افغاني اوڀر ضلعي جي جمشيد ٽائون جي يوسي 8 (پي اي سي ايڇ ايس) جي ڪشمير روڊ، علامھ اقبال روڊ، خالد بن وليد روڊ، سر سيد روڊ، طارق روڊ اور نور گرائونڊ ۾ شھر جي مختلف علائقن مان ڪچرو کڻي ان مان ڪم وارو مواد ڪڍي باقي ڪچرو نالن ۾ ڦٽو ڪندا آھن جنھن جي نتيجي ۾ نالا بند ٿي ويندا آھن. نگران وڏي وزير کي رپورٽ ۾ ٻڌايو ويو تھ غير قانوني ڪچرو اڇلائڻ واري ھنڌ کان صفورا ورڪشاپ تائين الگ الگ مواد جي چرپر لاءِ افغانين ٽيم جوڙي ھئي ڪچرو کڻندڙ افغانين نھ رڳو سموري علائقي ۾ گندگي پکيڙيندا آھن بلڪھ نالا پڻ بند ڪري ڇڏيندا آھن. نگران وڏي وزير ھدايتون ڏيندي چيو تھ غيرقانوني طور تي ڪچرو کڻي شھر ۾ گدلاڻ پکيڙيندڙ ماڻھن خلاف ايف آءِ آر داخل ڪئي وڃي، شھري ماحول خراب ڪندڙ ماڻھن خلاف ڀرپور ڪارروائي ڪئي وڃي.
