اسلام آباد(ع آ نيوز) قصور ۾ ٿيل جلسي دوران مولانا فضل الرحمان پاران فوج جي شهيدن بابت ڏنل بيان کان پوءِ ملڪ جي مختلف سياسي جماعتن، مذهبي تنظيمن ۽ مختلف مڪتبہ فڪر سان واسطو رکندڙ ماڻهن طرفان سخت ردعمل سامهون اچي رهيو آهي، جنهن سبب جمعيت علمائے اسلام (ف) جي قيادت کي واضح دٻاءَ ۽ تنقيد کي منهن ڏيڻو پئجي رهيو آهي ۽ پارٽي جي اندر به بيچيني جي صورتحال پيدا ٿي چڪي آهي۔ موجوده صورتحال ۾ جي يو آءِ هڪ اهڙي سياسي ڀنور ۾ ڦاٿل نظر اچي رهي آهي جتي قيادت جي بيانن ۾ نمايان تضاد ڏسڻ ۾ اچي رهيو آهي، انهيءَ تناظر ۾ پارٽي جي سينيئر اڳواڻ سينيٽر غفور حيدري جي هڪ منٽ 23 سيڪنڊن تي ٻڌل آڊيو منظرعام تي آئي آهي جنهن سياسي حلقن ۾ نئين هلچل پيدا ڪري ڇڏي آهي، هن آڊيو ۾ هنن صاف لفظن ۾ خبردار ڪيو آهي ته جيڪڏهن سندن قيادت خلاف بيان ۽ حملا نه رڪيا ته هو جي ايڇ ڪيو اڳيان ڌرڻو ڏيڻ تي مجبور ٿيندا۔ هن صورتحال ڪيترن سوالن کي جنم ڏنو آهي ڇاڪاڻ ته جيڪڏهن مسلم ليگ (ن) يا پيپلز پارٽي جهڙا سياسي مخالف مولانا فضل الرحمان تي تنقيد ڪري رهيا آهن ته ان جو رخ فوج يا جي ايڇ ڪيو ڏانهن موڙڻ جي ڪهڙي منطق آهي، خاص طور تي هن پسمنظر ۾ ته عسڪري قيادت يا ڊي جي آءِ ايس پي آر طرفان هن معاملي تي ڪو به بيان سامهون نه آيو آهي، ٻئي طرف مولانا عطا الرحمن هن معاملي کي دٻائڻ ۽ فضا کي معمول تي آڻڻ جي ڪوشش ڪندي نظر اچي رهيا آهن ۽ هن سموري صورتحال جو ذميوار سوشل ميڊيا کي قرار ڏئي تڪرار کي گهٽ ڪرڻ جي حڪمت عملي اختيار ڪئي آهي، جڏهن ته غفور حيدري جي سخت موقف ۽ ڌرڻي جي ڌمڪي هن معاملي کي وڌيڪ حساس بڻائي ڇڏيو آهي ۽ سياسي گرمي ۾ واڌارو ڪري ڇڏيو آهي۔
