ڪراچي(رپورٽر) فلور مل مالڪن پاران ايڪس مل قيمت ۾ 8 رپيا في ڪلو گهٽتائي جو اعلان ڪيو ويو آهي. چيف سيڪريٽري سنڌ سيد آصف حيدر شاهه جي هدايتن تي، ڪمشنر ڪراچي سيد حسن نقوي ۽ فلور مل مالڪن جي وچ ۾ ڪمشنر ڪراچي جي آفيس ۾ اٽي جي قيمت تي ڪامياب ڳالهيون ٿيون، جنهن ۾ فلور مل مالڪن پاران ايڪس مل قيمت ۾ 8 رپيا في ڪلو گهٽتائي جو اعلان ڪيو ويو. فلور مل مالڪن جي فيصلي کان پوءِ، اٽي جي ايڪس مل قيمت 133 رپين کان گهٽائي 125 رپيا ڪئي ويندي. هن فيصلي کان پوءِ، اٽي جون ٻڌي ۽ ريزڪي قيمتون پڻ گهٽايون وينديون. اجلاس ۾ فيصلو ڪيو ويو ته اٽي جي قيمت گهٽائڻ جو هي فيصلو فوري طور تي لاڳو ڪيو ويندو. ان موقعي تي فلور ملز ايسوسيئيشن اعلان ڪيو ته فلور ملز مالڪ شهرين کي رليف فراهم ڪرڻ لاءِ گهٽ قيمتن تي اٽو وڪڻڻ لاءِ مناسب قيمت جا اسٽال پڻ لڳائيندا.
