اسلام آباد (بيورو) وزيراعظم جي خاص صلاحڪار هارون اختر خان ۽ وزارت صنعت ۽ پيداوار جي سيڪريٽري سينيٽ جي اسٽينڊنگ ڪميٽي ۾ سينيٽر فيصل واوڊا پاران لڳايل الزامن کي دستاويزي ثبوتن سان رد ڪري ڇڏيو، هارون اختر خان ۽ سيڪريٽري وزارت صنعت ۽ پيداوار چيو ته وزارت جا سمورا قدم قانوني ضابطن ۽ لاڳاپيل ڌرين سان صلاح مشوري کانپوءِ کنيا ويا آهن، وزارت صنعت ۽ پيداوار جا سڀ فيصلا وفاقي ڪابينا جي منظوري سان ڪيا ويا، هارون اختر خان چيو ته موٽر وهيڪل ڊولپمينٽ بل قومي اسيمبلي ۾ پيش ڪيو ويو ۽ قومي اسيمبلي جي قائمه ڪميٽي پڻ ان جي منظوري ڏئي چڪي آهي.
