اسلام آباد (بيورو) مرڪزي تنظيم تاجران پاڪستان جي صدر محمد ڪاشف چوڌري وفاقي بجيٽ تي سخت تنقيد ڪندي چيو آهي ته هي هڪ بينڪر طرفان تيار ڪيل بجيٽ آهي، جنهن ۾ رڳو انگن اکرن جي هيراڦيري ڪئي وئي آهي، جڏهن ته عوام کي ڪو به حقيقي رليف ناهي ڏنو ويو، هن پنهنجي ردعمل ۾ چيو ته بجيٽ ۾ غربت، بيروزگاري ۽ مهانگائي گهٽائڻ لاءِ ڪو به مؤثر قدم شامل نه ڪيو ويو آهي، هي هڪ روايتي بجيٽ آهي جنهن ۾ عوام ۽ ڪاروباري طبقي لاءِ اميد جي ڪا به روشني نظر نٿي اچي، هن وڌيڪ چيو ته مهانگائي جي موجوده شرح جي مقابلي ۾ سرڪاري ملازمن جي پگهارن ۽ پينشن ۾ جيڪو اضافو ڪيو ويو آهي اهو اٺ جي منهن ۾ زيرو برابر آهي، سندس چوڻ هو ته ٽيڪس نظام کي نه سادو بڻايو ويو آهي نه ئي منصفاڻو، عام واپارين تي به اضافي بار وڌو ويو آهي.
