بيروت(عوامي آواز نيوز)ڏکڻ لبنان جي شهر زفتا ۾ ٿيل حملي بابت لبناني وزارتِ صحت ٻڌايو آهي ته 10 ماڻهو شهيد ۽ ڪيترائي زخمي ٿيا آهن، جن ۾ سول ڊفينس جو هڪ اهلڪار به شامل آهي۔ساڳئي وقت حزب الله طرفان اتر اسرائيل تي جوابي راڪيٽ حملا ڪيا ويا، جنهن بعد تل ابيب سميت ڪيترن ئي علائقن ۾ سائرن وڄڻ جون خبرون آهن۔بيروت ۾ به اسرائيلي حملن کان پوءِ وڏي پيماني تي تباهي رپورٽ ٿي آهي۔ رپورٽن موجب هتي شهيدن جو انگ 358 کان وڌي 377 کان به مٿي ٿي ويو آهي، جڏهنته 1100 کان وڌيڪ ماڻهو زخمي آهن۔رپورٽن ۾ اهو به چيو ويو آهي ته اسرائيلي ڊرون حملي ۾ هڪ ايمبولينس کي نشانو بڻايو ويو، جنهن جي نتيجي ۾ طبي عملي جا ٽي ميمبر شهيد ٿي ويا۔موجوده صورتحال سبب نه رڳو فوجي ڇڪتاڻ وڌي رهي آهي، پر علائقي ۾ خوراڪ جي کوٽ ۽ انساني بحران جو خطرو پڻ وڌي رهيو آهي۔
