بيجنگ(عوامي آواز نيوز)چيني فوج فوج جو احتساب ۽ جرنيلن جون برطرفيون، لکين اهلڪارن کي سزائون ملڻ باوجود صدر شي جي بدعنواني خلاف مهم جاري آهي شي جن پنگ جي مضبوط قيادت هيٺ خميس تي ختم ٿيندڙ نيشنل پيپلز ڪانگريس هر سال اعلان ڪندي آهي ته چين ڪهڙي طرف وڃي رهيو آهي ۽ اتي پهچڻ جو منصوبو ڇا آهي.پر هن ڀيري تمام منظم طريقي سان منعقد ٿيل اجلاس ۾ شي جا ڪجهه اڳوڻا قابل اعتماد ساٿي ۽ ٻيا اعليٰ عملدار موجود نه هئا. لڳ ڀڳ 100 نمائندا افتتاحي اجلاس ۾ غير حاضر هئا، ڇو ته اهي سڀ تازين برطرفين جي لهر جو شڪار ٿي چڪا هئا.اهي خالي سيٽون ان مضبوط ۽ متحد حڪمراني جي ڪهاڻي کان مختلف تصوير پيش ڪن ٿيون جيڪا شي ۽ چيني ڪميونسٽ پارٽي ڏيکارڻ چاهي ٿي.اهي شي جن پنگ جي وڏي پيماني واري بدعنواني خلاف مهم جو سڀ کان واضح ثبوت آهن، جيڪا هنن 2012ع ۾ پارٽي جو جنرل سيڪريٽري بڻجڻ کان پوءِ شروع ڪئي هئي.هڪ ڏهاڪي کان وڌيڪ وقت گذرڻ باوجود به ان مهم جي ختم ٿيڻ جا ڪي به آثار نظر نٿا اچن. 2012ع ۾ بدعنواني چين ۾ واقعي هڪ وڏو مسئلو هئي.لنڊن جي ڪنگز ڪاليج جي پروفيسر ڪيري براون جو چوڻ آهي ته ڪميونسٽ پارٽي هڪ تمام وڏو ادارو آهي جنهن جا 10 ڪروڙ کان وڌيڪ ميمبر ۽ لکين آفيسر آهن.2012–2013ع ۾ ڪرپشن ۽ قتل جي هڪ اسڪينڊل سبب بو شي لائي جو سياسي مستقبل ختم ٿي ويو، جيڪو پارٽي جو اڀرندڙ ستارو ۽ شي جن پنگ جو وڏو حريف سمجهيو ويندو هو2014.ع ۾ چين جي وڏي سيڪيورٽي نظام جي اڳوڻي سربراهه کي گرفتار ڪيو ويو، ۽ ٻن سالن بعد هو جن تائو جي ويجهي ساٿي کي بدعنواني جي الزام ۾ عمر قيد جي سزا ملي.وزيرن کان وٺي ڳوٺن جي سربراهن تائين ڪو به شي جي مهم کان محفوظ نه رهيو.هن مهم کي “شينهن ۽ مکيون” مهم چيو ويو، يعني اعليٰ اشرافيا (شينهن) ۽ هيٺين درجي جا آفيسر (مکيون) ٻنهي کي نشانو بڻايو ويو.نتيجي طور گذريل 14 سالن دوران لکين اهلڪارن کي سزا ملي، برطرف ڪيو ويو يا جيل موڪليو ويو.صرف 2025ع ۾ چين جي انسداد بدعنواني اداري مطابق لڳ ڀڳ 10 لک ماڻهن کي سزا ڏني وئي.
