واشنگٽن/ تهران/يروشلم(ع آ نيوز) ايران تي اسرائيلي ۽ آمريڪي حملا مسلسل ڇهين ڏينهن به جاري آهن، اسپتالن ۽ اسڪولن سميت مختلف هدفن تي حملن ۾ هاڻي تائين 1230 ماڻهو شهيد ٿي چڪا آهن. عرب ميڊيا موجب، ايران ۾ آمريڪي-اسرائيلي حملن ۾ هاڻي تائين 1230 ماڻهو شهيد ٿي چڪا آهن، جڏهن ته لبنان تي جاري اسرائيلي حملن ۾ 77 ماڻهو شهيد ٿي چڪا آهن. عرب ميڊيا جي رپورٽن ۾ چيو ويو آهي ته اسرائيل تي ايراني حملن ۾ 11 ماڻهو مارجي ويا، جن ۾ 6 آمريڪي فوجي به شامل آهن.عرب ميڊيا موجب، گڏيل عرب امارات ۾ ايران جي حملن ۾ 3 ماڻهو مارجي ويا، جڏهن ته بحرين ۾ ميزائل فائر ٿيڻ کان پوءِ صنعتي علائقي ۾ باهه لڳڻ ۾ هڪ شخص فوت ٿي ويو.ان کان علاوه، ڪويت ۾ ايراني حملن ۾ 2 ڪويت فوجين سميت 4 ماڻهو مارجي ويا. عرب ميڊيا موجب، عمان جي بندرگاهه تي هڪ ٽينڪر تي پروجيڪٽائل حملي ۾ هڪ شخص فوت ٿي ويو. هوڏانهن ايران خبردار ڪيو آهي ته جيڪڏهن اسرائيل ۽ آمريڪا رجيم چينج جي ڪوشش ڪئي ته اسرائيل جي جوهري مرڪز ديمونا کي سڌي ريت نشانو بڻايو ويندو. پرڏيهي ميڊيا موجب هڪ اعليٰ ايراني فوجي عهديدار چيو آهي ته ايران ڪنهن به ٻاهرين مداخلت يا حڪومت ڪيرائڻ جي سازش جو ڀرپور ۽ فيصلائتو جواب ڏيندو. ايراني عهديدار چيو ته اهڙي صورت ۾ ديمونا نيوڪليئر ري ايڪٽر ايران جي امڪاني هدفن ۾ اڳ ۾ هوندو. وچ اوڀر ۾ ايران، آمريڪا ۽ اسرائيل وچ ۾ وڌندڙ ڇڪتاڻ سبب فوجي ڪارروائين جا معاشي اثر ظاهر ٿيڻ لڳا آهن، سفارتي سرگرميون تيزي اختيار ڪري ويون آهن، جڏهن ته آبنائي هرمز جي صورتحال، فضائي اڏامن جو رد ٿيڻ ۽ خطي جي ملڪن جي خدشن سبب عالمي سطح تي به ڳڻتي وڌي وئي آهي. ايراني پاسدارانِ انقلاب گارڊز چيو آهي ته اتر ايراني نار ۾ آمريڪي آئل ٽينڪر کي ميزائلن سان نشانو بڻايو ويو، جنهن جي نتيجي ۾ جهاز کي باهه وڪوڙي وئي آهي. هي واقعو ان وقت پيش آيو جڏهن پاسدارانِ انقلاب چيو ته هن آبنائي هرمز جو ڪنٽرول حاصل ڪري ورتو آهي. واضح رهي ته آبنائي هرمز ايراني نار کي هندي سمنڊ سان ملائي ٿو، جنهن کي دنيا ۾ تيل ۽ گئس جي ترسيل لاءِ انتهائي اهم رستو سمجهيو ويندو آهي. ايران آمريڪي ايف-15 فائٽر جيٽ ڪيرائڻ جو دعويٰ ڪيو آهي، سينٽڪام انڪار ڪري ٿو.جيڪڏهن ايران جو دعويٰ صحيح ثابت ٿئي ٿو، ته اهو چوٿون ايف-15 اي هوندو جيڪو آمريڪا ايران سان جاري آمريڪا-اسرائيلي جنگ ۾ هارايو آهي.ايران دعويٰ ڪئي آهي ته انقلابي گارڊز ملڪ جي ڏکڻ اولهه سرحد جي ويجهو هڪ آمريڪي ايف-15 اي اسٽرائڪ فائٽر جيٽ ڪيرايو آهي.
