ڪراچي (رپورٽر) پي ايم اي ڪراچي جي صدر ڊاڪٽر اسماعيل ميمڻ، سيڪريٽري عبدالغفور شورو، جنرل سيڪريٽري ڊاڪٽر شاهده ابراهيم ماسما، پروفيسر شبين ناز،ڊاڪٽر جئپال ڇاپڙيا پي ايم اي هائوس ۾ پريس ڪانفرنس ڪندي مطالبو ڪيو ته ڊاڪٽر مهوش جي قاتلن کي گرفتار ڪري قاتلن کي عبرتناڪ سزا ڏني وڃي، پروٽيڪشن آف هيلٿ ڪيئر پروفيشنلزم ايڪٽ جو ملڪ ۾ فوري طور نافد ڪيو وڃي، ماضيءَ ۾ ڪراچي ۾ 130 ڊاڪٽرن جا لاش ڏنا ويا آهن، 2023 کان 2024 جي ٻن سالن ۾ ڊاڪٽرن خلاف تشدد ۾ اضافو ٿيو آهي، صرف هڪ سال ۾ 15 قتل ڪيا ويا آهن، ڪي پي ڪي، بلوچستان ۾ پوليو ٽيمون بارود جي ڍير تي تي فرض ادا ڪري رهيون آهن، 2025 ۾ انهن مٿان 25 حملا ڪيا ويا آهن، ايندڙ 48 ۽ 72 ڪلاڪن ۾ ڊاڪٽر مهوش جي قاتلن خلاف ٺوس قدم نه کنيو ويو ته پي ايم اي ملڪي سطح تي پنهنجي احتجاج جو دائرو وڌايو ويندو.
