ڪراچي (رپورٽر)سنڌ هاءِ ڪورٽ ۾ ٽريفڪ قانونن جي ڀڃڪڙي تي موٽر وهيڪل آرڊيننس ۽ اي-چالان ۾ ترميم خلاف درخواست جي ٻڌڻي ٿي .عدالت ۾ درخواست گذار طارق منصور ايڊووڪيٽ چيو ته شهر ۾ روڊ انفراسٽرڪچر تباهه حال آهي.شهر ۾ ٽرئفڪ سگنل به مڪمل طور تي فعال نه آهن، درخواست گذارجو چوڻ آهي 93,000 کان وڌيڪ اي-چالان جاري ڪيا ويا آهن، سنڌ حڪومت موجب اي-چالان ڏنڊن جو نوٽيفڪيشن گزيٽ ۾ شايع نه ٿيو آهي، درخواستگذار چيو ته گزيٽ ۾ اشاعت نه ٿيڻ جي ڪري، صرف 2023 جا منظور ٿيل ڏنڊ لاڳو ڪيا ويندا، اي-چالان ذريعي لڳايل ڳرا ڏنڊ غير قانوني آهن، عدالت ڌرين کي نوٽيس جاري ڪيا ۽ انهن جا جواب طلب ڪيا.عدالت جي درخواست کي ساڳئي نوعيت جي ٻين درخواستن سان ڳنڍڻ جي هدايت ڪئي.عدالت درخواست جي ٻڌڻي 11 ڊسمبر تائين ملتوي ڪري ڇڏي.
