ڪراچي (م ڊ) ايمنسٽي انٽرنيشنل پنهنجي تازي رپورٽ ۾ چيو آهي ته دنيا کي بيوقوف بڻائڻ نه گهرجي ڇو ته اسرائيل جي نسل ڪُشي اڃا تائين ختم ناهي ٿي، رپورٽ موجب جنگبندي جي باوجود اسرائيل غزا ۾ نسل ڪُشي جاري رکي آهي، اسرائيلي فورسز رڳو غزا تي حملن جي شدت ۾ ٿوري گهٽتائي آندي آهي، جڏهن ته امداد جي فراهمي اڃا به محدود آهي، ايمنسٽي انٽرنيشنل موجب جنگبندي سبب اهو غلط تاثر پيدا ٿي رهيو آهي ته غزا ۾ زندگي معمول تي موٽي رهي آهي، جڏهن ته حقيقت ۾ صورتحال ۾ ڪا به نمايان بهتري نظر نٿي اچي، رپورٽ ۾ چيو ويو آهي ته اسرائيل غزا ۾ پنهنجون ظالمانه پاليسيون جاري رکيون ويٺو آهي، جنگبندي کان پوءِ اسرائيل 136 ٻارن سميت 374 فلسطيني شهيد ڪيا آهن، ان کانسواءِ انساني امداد ۽ بنيادي ضرورتن تائين پهچ کي به سخت محدود ڪيو ويو آهي.
