ڏهرڪي (رپورٽ: اجيت ڪمار ) ڏھرڪي ويجهو کينجھو ٿاڻي جي حد ۾ زميندار جي پٽن مبينا طور ڪارنهن الزام هيٺ گوليون هڻي زمين ۾ ڪڻڪ جي ٻڄ جي ڇٽ ڪندڙ هاري نوجوان کي قتل ڪري ڇڏيو، ڳوٺ گوڌو شر ۾ مبينه طور ڪارنهن الزام هيٺ زميندار جي پٽن فائرنگ ڪري زمين ۾ ڪڻڪ جي ٻڄ جي ڇٽ ڪندڙ ھاري فاروق لغاري کي گوليون هڻي قتل ڪري ڇڏيو، هٿياربندن پاران نوجوان فاروق لغاري کي قتل ڪرڻ جي اطلاع تي کينجهو پوليس واقعي واري هنڌ پهچي مقتول جو لاش کڻائي ڏهرڪي جي سول اسپتال پهچايو جتي پوليس ضروري ڪاروائي بعد لاش وارثن حوالي ڪري ڇڏيو، مقتول نوجوان فاروق لغاري جي وارثن دانهيندي چيو ته فاروق لغاري زمين ۾ ڪڻڪ جي ٻڄ جي ڇٽ ڪري رهيو هو ته زميندار شوڪت ورند جي پٽن اسان سان ظلم ڪندي بيگناهه اسان جي نوجوان کي قتل ڪيو آهي، هنن ايس ايس پي گهوٽڪي ۽ اعليٰ اختيارين کان مطالبو ڪيو ته جوبدارن خلاف ڪارروائي ڪري اسان کي انصاف فراهم ڪيو وڃي، هوڏانهن کينجهو پوليس جو چوڻ هو ته اسان کي اطلاع مليو آهي ته مقتول نوجوان فاروق لغاري کي ڪارانهن الزام هيٺ قتل ڪيو ويو آهي، وڌيڪ واقعي بابت جاچ ڪري رهيا آهيون، آخري اطلاعن تائين واقعي جا اصل ڪارڻ ظاهر ٿيڻ توڙي واقعي جو ڪيس داخل نه ٿي سگهيو هو ٻي طرف مقتول نوجوان جو لاش گهر پهچڻ تي سندن گهر ۾ ڪهرام مچي ويو.
