سکر(رپورٽ:سيد نعيم شاھ) سکر ۾ پراڻي خوني تڪرار تان واٽهڙو ڪار سوار گوليون لڳڻ سبب قتل ٿي ويو، سکر جي سائيٽ ايريا ٿاڻي جي حد قريشي ڳوٺ جي شر چوڪ لڳ ڊبل روڊ تي هٿيار بندن جي فائرنگ ۾ ڪار سوار نوجوان مارجي ويو، مارجي ويل نوجوان جي سڃاڻپ روهڙي جي لنجواڻي محلي جي رهواسي علي حسنين قريشي جي نالي سان ٿي، واقعي هنڌ رهندڙ خانپور تعلقي شڪارپور جي رهواسي غلام شبير مھر حد ٿاڻي ايف آءِ آر داخل ڪرائيندي ڄاڻايو آهي ته سعيد خاناڻي جتوئي پاڙي جي قلندر بخش عرف قلندرو جتوئي سان پراڻو خوني تڪرار هلندڙ آهي، گذريل رات دير سان قلندر بخش ۽ اٺ اڻڄاتل هٿياربندن سندس گهي مٿان حملو ڪري فائرنگ ڪئي ته اسان به جوابي فائرنگ ان دوران هڪ ڪار گذري جنهن ۾ ڊرائيورسوار هو ان مٿان به جوابدارن فائرنگ ڪئي جنهن جي نتيجي ۾ اڻڄاتل ڪارسوار مارجي ويو جوابدار نعرا هڻندا قريشي ڳوٺ واري علائقي طرف فرارٿي ويا، هوڏاهن پوليس لاش ۽ ڪارکي تحويل ۾ وٺي ڇڏيو، پوليس موجب مارجي ويل ڪار سوار جي سڃاڻپ روهڙي جي حسنين قريشي طور ٿي آهي، واقعي جاچ ڪري رهيا آهيون، جڏهن ته قتل واقعي سبب علائقي ۾ خوف هراس پکڙجي ويو.
