لاهور(بيورو)صوبائي وزيرِ اطلاعات پنجاب عظميٰ بخاري مريدڪي آپريشن بابت معلومات لڪائڻ واري انساني حقن ڪميشن پاڪستان (HRCP) جي دعويٰ کي رد ڪري ڇڏيو،ايڇ آر سي پي پنهنجي بيان ۾ چيو هو ته آپريشن دوران تشدد ۽ بيگناهن جي گرفتاري بابت ڳڻتي وڌي آهي، جڏهن ته حڪومت پاران آپريشن جي تفصيل لڪائڻ سان شفافيت تي سوال اٿيا آهن۔ان جي جواب ۾، عظميٰ بخاري ڊان نيوز سان ڳالهائيندي چيو ته حڪومت ٽي ايل پي کي اسلام آباد ۾ آمريڪي سفارتخاني ڏانهن مارچ ڪرڻ کان روڪڻ لاءِ سنجيده ڪوششون ڪيون، پر تنظيم تعاون ڪرڻ کان انڪار ڪيو، ٽي ايل پي جي اڳواڻن ۽ ڪارڪنن پنهنجن تقريرن ۾ "سنگين نتيجن” جون ڌمڪيون ڏنيون ۽ قانون لاڳو ڪندڙ اهلڪارن تي فائرنگ به ڪئي، جنهن سبب ڪجهه پوليس اهلڪار شهيد ٿيا۔
