لاهور (بيورو)پنجاب جي اطلاعات واري وزير عظميٰ بخاري چيو آهي ته سنڌ ڪنهن وڏيري جي جاگير ناهي، جنهن کي اوهان هر فورم تي ’سنڌو ديش‘ چوندا آهيو۔پيپلز پارٽي جي اڳواڻن جي بيانن تي ردعمل ڏيندي هن چيو ته، هڪ طرف اوهان سيز فائر جي ڳالھه ڪندا آهيو، ٻئي طرف هر ڪلاڪ بعد هوائي فائرنگ لاءِ نڪري اچو ٿا،۔ اهڙن زهريلن زبانن سان اسان کان صلح جي اميد ڪيئن رکي سگهجي ٿي؟ هن چيو ته جيڪڏهن اوهين ڏينهن رات اسان جي قيادت تي حملا ڪندا، ته ڇا اسان اوهان کي گلن جا هار پائينداسين؟”
