عمرڪوٽ (ويب ڊيسڪ) سنڌ حڪومت طرفان عمرڪوٽ ضلعي ۾ 17 اپريل تي عام موڪل جو اعلان ڪيو ويو آهي.
قومي اسيمبلي جي تڪ اين اي 213 عمرڪوٽ ۾ ٿيندڙ ننڍي چونڊ جي سلسلي ۾ عام موڪل اعلان ڪيو ويو، جنهن جو نوٽيفڪيشن پڻ جاري ڪيو ويو آهي.
ياد رهي ته نواب يوسف ٽالپر 2024ع جي عام چونڊن ۾ قومي اسيمبلي جي تڪ اين اي 213 عمرڪوٽ مان ايم اين اي چونڊيو ويو هو، هو هلندڙ سال فيبروري ۾ لاڏاڻو ڪري ويو هو.
نواب يوسف ٽالپر جي لاڏاڻي کانپوءِ مٿي ڄاڻايل سيٽ خالي ٿي وئي هئي، جنهن تي هاڻي 17 اپريل تي ننڍي چونڊ ٿي رهي آهي.
