اسلام آباد (بيورو رپورٽ) ايلون مسڪ جي ڪمپني اسٽارلنڪ جي پاڪستان ۾ آپريشنز لاءِ هڪ اهم اڳڀرائي سامهون آئي آهي. وزيراعظم جي هدايت تي پاڪستان اسپيس ايڪٽيوٽي ريگوليٽري بورڊ (پي اي آر بي) اسٽارلنڪ کي اين او سي جاري ڪرڻ جي منظوري ڏئي ڇڏي، جنهن سان پاڪستان ٽيلي ڪميونيڪيشن اٿارٽي (پي ٽي اي) طرفان لائسنس جاري ٿيڻ جو رستو کُلي ويو آهي. ذريعن موجب، پي ٽي اي لائسنس جاري ڪرڻ لاءِ وڌ کان وڌ 4 هفتن جو وقت وٺي سگهي ٿو. پي ٽي اي اسٽارلنڪ جي حاصل ڪيل اين او سي جو جائزو وٺندو .
