راولپنڊي( م ڊ)پاڪستان تحريڪ انصاف جي باني چيئرمين عمران خان چيو آهي ته مان سڄي زندگي جيل ۾ گذارڻ لاءِ تيار آهيان پر وقت جي يزيد آڏو ڪڏهن به سر نه جهڪائيندس. جيل ۾ 500 ڏينهن پورا ٿيڻ تي اڊيالا جيل جي عدالت ۾ سندس ڪارڪنن ۽ وڪيلن سان ڳالهه ٻولهه ڪندي هن چيو ته سڀ کان پهرين توهان کي پريشان ٿيڻ جي ضرورت ناهي. الله حق آهي، هو حق جو معبود آهي ۽ هو صبر ڪرڻ وارن سان گڏ آهي. هن ملڪ جي حقيقي آزاديءَ لاءِ اسان سڀ قربانيون ڏئي رهيا آهيون، توهان کي صبر ڪرڻو پوندو ۽ ظلم خلاف مون سان گڏ بيهڻو پوندو. باقي زندگي جيل ۾ گذارڻ لاءِ تيار آهيان، پر وقت جي ظلم آڏو ڪڏهن به نه جهڪندس. اڳوڻي وزيراعظم جو چوڻ هو ته ڊي چوڪ ۾ موجوده جنرل ڊائر بيگناهه ۽ پرامن شهرين تي فائرنگ ڪري قوم کي پنهنجو غلام بڻائي ڇڏيو. مون کي ڪارڪنن ۽ وڪيلن ٻڌايو آهي ته هن وقت تائين جيڪي 12 شهيد سامهون آيا آهن اهي اهي آهن جيڪي 26 نومبر تي سج لٿي کان اڳ شهيد ٿي ويا هئا. ۽ باقي ماڻهن کي رات جي وقت علائقي ۾ بجلي بند ڪري گوليون هڻي قتل ڪيو ويو آهي، اهي ڪٿي غائب آهن؟ عمران خان جو چوڻ آهي ته درجنين ماڻهو اڃا به گم آهن، حڪومت جي ذميواري آهي ته گم ٿيل ماڻهن کي ڳولي ۽ سمورو ڊيٽا پبلڪ ڪري.
